[الحميدي السبيعي]

بسم الله الرحمن الرحيم
الاخوة والاخوات الافاضل في هذا الصرح الشامخ
يسرني ويسعدني أن أنضم لهذه القافله الادبية
الرائعه بعد الدعوة الكريمه الموجهه لي من أخي الغالي
الشاعر المبدع عايض عبدالله أبو شيبه وهذه أول مشاركة
لي في هذا الصرح الشامخ وهي قصيدة نصيحه عن
المخدرات أسأل الله أن ينفع بها من ضل عن طريق
الحق وأن تكون من أسباب هدايته وآمل أن تحوز
على رضاكم جمعيعاً ,,,

أبــدأ بـذكـر الله قـبــل بِـــدع الأبـيــات=الــواحــد الـمـعـبـود رب الـسـمــاوات
رب البـشـر عـالــم جـمـيـع الخـفـيـات=الـلـي خـلـق لأنـفـس ويـعـلـم خـفـاهـا
==
ومـن بعـد ذكـره عنـدي أغـلا نصيحـة=للمـسـتـمـع فـيـهــا فــوائــد مـلـيـحــه
مـن هاجسـي وأغـلا بـيـوت القريـحـة=أغـــلا بـيــوتٍ صغـتـهـا وش حـلاهــا
==
نصـيـحـةٍ لــهــل الـقـلــوب الفـطـيـنـة=لـلــي يـبــي عـقـلـه ومـالــه وديــنــه
لا يتبـع أهــل الـشـر ضـاعـت سنيـنـه=ومـن يتبـع الأشــرار يصـبـح عشـاهـا
==
مــن يتـبـع الغـاويـن ضـاعـت حيـاتـه=وراء الـسـمـوم الــيــوم ودّه وهــاتــه
وعـزّيــل رجـــال ٍ يــســوّي ســواتــه=أنــا أشـهـد أن عيـنـه بـكـفـه عـمـاهـا
==
عمـيـت عيـونـه لـيـن طــاح وتبـهـذل=وأخطاء طريق الخيـر عقـب القـدم زل
وأهــل الــردى حـطـوه لـشّــر مـنـهـل=كـــل ٍ يـــورد سلـعـتـه مـبـتـغـى هــــا
==
أشــوف لــي نــاس ٍ ســوات البهـائـم=وراء الـبــلاوي دائـــم الـــدوم هــائــم
والـيـا نصحـتـه قــال مــا هـيـب دائــم=حـسـب الـمـزاج ألـيـا تـكــدر شـراهــا
==
إبليـس وســوس لــه وصــار ايتـجـرّا=حـتــى وقـــع وأدمـــن وقـــام إتـحــرّا
مـتـى يـجـي مــن يسعـفـه كــان مـــرّا=لـيـن ٍ نفـسـه فـــي المـهـالـك رمـاهــا
==
حتـى انتهـى مخـه وجافـيـه تشـويـش=وخلا الوظيفـة واخطتـه لقمـة العيـش
وأصبح يحـوم تقـول طيـر ٍ بـلا ريـش=بعـد أنفـصـل ضـاقـت علـيـه بفضـاهـا
==
وصل الخبر لبوه وجـا لـه علـى طـول=وحضّر على القائد معه جمـع وأزفـول
وقالـوا سمعنـا إنّ أبننـا قيـل مفصـول=وجـيـنـا ك والـدنـيــا كـثـيــر ٍ بــلاهــا
==
نطلـبـك تـسـمـح لـــه وتـعـيـد فـصـلـه=وتـرجـعـه بالله ذا الـيــوم شـــف لــــه
والله مــا غـيـره حــدٍ يـصــرف أهـلــه=وأمـــه حـزيـنــه لا تـخـيّــب رجــاهــا
==
أمـه ورانـا عـقـب مــا وصلـهـا العـلـم=قامت تصيـح وصابهـا الضغـط والهـم
وخــذ ت لـهـا يومـيـن تبـكـي وتـزهـم=وجينـا وهــي مسترسـلـة فــي بكـاهـا
==
وقــال القـائـد لــه دام تبـغـا الـوكـادي=فـنّــا لـنــا شـهـريـن وفـــلان غــــادي
غادي مـا بيـن أهـل الشقـق والمنـادي=والمرجلـه ضـاعـت وضـيّـع عصـاهـا
==
وفصـلـه تــوزّع مــا تفـيـد الـرجــاوي=ولا عـاد هـي بيـدي ولـو كنـت نــاوي
ورقـمـه تعـيّـن فـيـه جـنـدي قـصـاوي=تــــوّه جــديــد والـوظـيـفــة خــذاهـــا
==
ولا فـيــه رقـــم ٍ لـــو بغـيـنـا نـعـيــده=مــن شــان خطوتـكـم علـيـنـا بـعـيـده
لــكــن نــأمــل لــــه حــيــاةٍ سـعـيــده=فـــي مـقـبِـل الأيـــام والـلــي وراهــــا
==
عـــوّد يـقــوم أبـــوه ويـهــز رأســــه=ويدعي على أصحاب الردى والنجاسه
الـلـي تـــروّج كـــل ســـم وخـسـاسـه=لـجـل الطـمـع تبـتـاع حـتــى أقـربـاهـا
==
ورجــع أبــوه وقـــال يـــا لله مشـيـنـا=بروح صـوب أمــك عـسـى الله يعيـنـا
يمـكـن تضّـمـك مــع خـواتــك لجـيـنـا=وعـوّد علـى أمـه يرتجـي مـن عطاهـا
==
تعـطـيـه كـنّــه وحـــدةٍ مـــن خــواتــه=وراحــت حيـاتـه كلـبـوهـا شـمــا تـــه
ولا عـاد لـه حيـلـه يــا كــود أزفـراتـه=يـزفـر وكـبـده تحـتـرق مـــن لـضـاهـا
==
والـنـاس تنـظـر لــه بعـيـن المـهـونـه=وعلـى الكـرامـة صــار مــا يعزمـونـه
لــو كــان فيـهـم شاخـصـاتٍ أعيـونـه=كـــل ٍ تـجـاهـل دعـوتــه مـــا نـسـاهـا
==
مـنــبــوذ مــالـــه عـنــدهــم قـابـلـيــه=كــــل ٍ تــبــرّى مــنــه حــتــى ولــيــه
إلا أنْ يــغــيّــر ســيــرتـــه لــولــيـــه=السيـرة الـلـي ضيّـعـت مــن مـشـاهـا
==
وأمـه شــرت لــه مـوتـر ٍ عـقـب مــده=بـالـديـن قـالــت يـمـكـن أنّــــه يــكــده
ويـعــوّض الـفـائـت وديــنــه يــســده=ويعـيـش نفـسـه كـــان ربـــي هـداهــا
==
هــذا الــذي شفـتـه أنــا قـــدم عـيـنـي=وأنـتـم بـعــد شـفـتـوه يـالـغـا نمـيـنـي
بعـض الشبـاب أنشوفهـم ضـا يعيـنـي=بأسبـاب لأعـداء اللـي تــروّج خـزاهـا
==
عـدوانـنـا يـبـغـون تـدمـيـر الإســــلام=وأن صيـر تحـت أفكـارهـم دوم خــدام
وعقولـنـا تصـبـح خـرافـات وأوهـــام=هــذا تــراه الـيـوم هـــو مبـتـغـى هـــا
==
حــــربٍ تـدمــرنــا بـلــيّــا ســلاحـــي=تـرسـل عليـنـا كـــل لـيــل وصـبـاحـي
من الغـرب جتنـا مـن جميـع النواحـي=وقضـت علـى بعـض العـقـول بـرداهـا
==
والـحـل واضــح قدمـنـا يـــا ميـامـيـن=تـرك المعاصـي والتثبُـت علـى الـديـن
ومـحـاربـة لأعـــداء بـكــل القـوانـيـن=الـلــي علـيـنـا مـسـتـمـر ٍ غــثــا هــــا
==
وتمـت وصلـى الله علـى سيّـد الخـلـق=محـمـدٍ وإعـــداد مـــا يـبــرق الـبــرق
الـلـي بعـثـه الله لـنــا وضّـــح الـحــق=وضّـح أدروب الخـيـر لـلـي بـغـا هــا