[سناعيس]

هذه القصيده قلتها على لسان أحد الزملاء الأعزاء علي جدا والذي عايشته وعايشت معاناته مع الظروف النفسيه السيئه وذلك لعدم حصوله على حقه في الترقيه علما بأنه قضى سنوات طويله في الخدمه ولايزال على نفس المرتبة التي تم تعيينه عليها وهو ممن يحمل شهادة جامعيه علما بأنه يرى غيره ممن هم أقل منه علما وخدمه قد سبقوه اليها بالاضافة الى تكالب الظروف الأخرى عليه من خسائر في الأسهم وغيرها. آمل أن تحوز على القليل من استحسانكم

يالله يارحمن يانافخ الروح=يامن له القدره على نزع الأرواح
ياعالم المكتوب ياحافظ اللوح=ياموجدٍ بعد العدم كل ما لاح
ياملتجاي ولا لغيرك أبابوح=انت العليم اللي للأسرار بيّاح
أحس نفسي وكني اليوم مذبوح=وذبحي تشارك به ثلاثين ذبّاح
القلب به طعنات تدمي مع جروح=مافاد به طبٍ ولافاد جرّاح
الهم والهوجاس والغم والنوح=هي لي عناوينٍ وماكنت نوّاح
لاترقيه حصلت ولا أي مصلوح=مامن وليٍ يتبع نهج الاصلاح
كلٍ ترقى وارتفع وجاله فروح=وأنا مكاني سر مااعرف الأفراح
أصيح بأعلى الصوت والصوت مبحوح=كلٍ عرف سدي على كثر ماباح
ياحظي المقرود مكسوح مكسوح=مهما أحاول فيك يلقاك كسّاح
حظٍ كما ميت على الخط مسدوح=وطاه راعي سكس وناهشه سدّاح
الضحك مالي فيه أيضا ولا مزوح=يضيق صدري من سواليف مزّاح
وصدقت انا من قال كب أول الفوح=وصارت حياتي كنها حر فوّاح
طبيت بالأسهم أبابني لي صروح=وأصير من عرض الهوامير صرّاح
مافاتني سهم من السوق مطروح=من غير سهم أشريه طعمٍ لطرّاح
وخسرت ماجمّعت في حساب مفتوح=وأبي العوض مِن مَن للأرزاق فتّاح
ويصير ممنوعي على طول مسموح= وسهود ومهودٍ ومن غير مسّاح

مع تحياتي ( سناعيس ) 25/3/1427هـ