[ابو أنس]

هو السكر خلانا=نتهنى في عشانا
دايم يركض ورانا=خفف من أكلك شوي
يقول انا لك رقيب=مثل ظلك يالحبيب
حاضر والا لو تغيب=ماشي للي له تمشي
أنا ما مني فكه=لو تحبل لي شربكّه
او ترميني في السكه=لابدْ لك ومتوزي
وانا ماعني صدّه=في الشرقيه او جده
أو بلاد المرتدّه=في واشنطن او بومبي
وان أكلت او ما أكلت=أو تمشيت وركضت
اوخدت علاجٍ مارحت=ماينفع بي حتى الكي
ولا تغتر بما يقال=لك أكل مخصص واشكال
دوّر وارخص بالريال=تلقى الدايت بالمحشي
هذا كلام مردود=مابه خير ومابه فود
لو تبذل كل المجهود=حقي ماخوذ مصفّي
شف النعمه مع الناس=أصنافٍ ما لها قياس
تمرٍ والبانٍ بطياس=ومشروبات مع ببسي
وانا قاعد على كتوفك=اسد اثمك واخلي جوفك
قاهرك اتحدى ظروفك=مع زود القهر أربي
قلت اطلب الله العون=يرزقني الرحمه وطمون
مع بنكرياسٍ موزون=ياقف لك ومتحدي
واكيل السكر بالصاع=في بريق الشاهي لو ماع
واشرب ولاني مرتاع=وانته مهموم وتهذي