[الطائر المهاجر]

حلوه ..... ههههههههههههههه
ولكن امام عيني جاء واحد يدور على الموظفين ويجمع ما يعطونه
وقف عند واحد ، قال له والله ودي اعطيك ، بس ماعندي إلا 500 ريال
رد عليه الشحاذ ، ولا يهمك اصرفها لك ، وبالفعل يطلع بوكه مليان امهات خمسميه
وامهات ميه ، وفك له ، اخذ الزميل الفكه ، وعطاه ظهره ، قال الشحاذ طيب وين نصيبي
قال له ، الظاهر انا اللي ابروح اشتغل شحاذ مثلك مادام بوكك مليان... هيا توكل على الله

اما انا حصلت لي قصة مع واحد ، كنت في السطح عند الدشوش كالعادة ومشغول
واسمع الجرس يعلق ، فانزل مسرع ، ابشوف من هاللي علق الجرس ، أكيد فيه
امر خطير ، ويوم فتحت الباب واذا به شحاذ ، بعد السلام قال ، انا جاي من ديرة بعيدة
ولا عندي فلوس ارجع ، فلو تكرمت جزاك الله خير تعطيني 50 او 100 ، قلت في نفسي
هالحين ابن هالحرام منزلني من السطح عشان يشحذ ، هين ، قلت له تفضل الله يحييك
ابشر بالخير ، وخليته يتبعني الين وصلنا السطح ، وكنت محتاج واحد يساعدني على رفع
احد الدشوش ، فقلت له يدك معي ، والرجال يطالع ومستغرب ، انتهينا من الشغل ، قال
الظاهر انك نسيت تعطيني ، قلت له والظاهر انك نسيت اني في السطح يوم ترن الجرس....
الله يعطيك ، وادير ظهري له واكمل شغلي ، والله وينزل مع الدرج وهو يسب ، وانا اطالعه
من بعيد خايف يلطش شي على دربه ، حتى طلع من الباب الخارجي وصقع بالباب