ياشوق حبك سرى في الروح له نشوة=ياطعم حبك عذابه بللسمٍ صافي
واذكرك وآخذ من الاشوق بك غفوه=لأني احسك وانسم ريحك الدافي
واصحي بطيفك ملامح غاية الصفوه=كني أشوفك تسامر همي الخافي
تقبل بظلمى تلاشي الظلمه بخطوه =لحظة قدومك بدركم نور شفافي
ولاقفيت شعرك يعتّم بدركم جوّه=يحرق فؤادي وادعي الرب يا كافي
والعنق برقه يشيل الطرف من قوّه=ابيض طويل العنق في عنقه إضافي
عذب حبيبي وماظنيت بي سوّه=شفني أهوجس وامشي الدرب أنا حافي