قالوا علامك صامت وقلـت يانـاس
كثـر الكـلام يقـل لاجلـه مقامـي
الصمت حكمه والحكي مصدر إفـلاس
ولقيت في صمتـي يزيـد احترامـي
الصمت له معنى وله ذوق وإحساس
مركب نجاتك فـي بحـور الظلامـي
ترى الرجل صوره من الراس للساس
ثـم يتبيـن جـوهـره بالكـلامـي
إما نطق فـي كلمـة ترفـع الـرأس
تضفي على شكلـه جديـد الاسامـي
وإلا يعـود معدنـه معـدن نحـاس
يرميه سهمـه بعـد ماكـان رامـي
لا صار عندك من ثمينات الألمـاس
خله بصـدرك ليـن وقـت التمامـي
أخاف يطلعلك مـن النـاس بـلاس
وإلا سفيـه مـا يــرد السـلامـي
صح لسان الشاعر ولاهنتى شاعرتنا
الرائعة
طرح رائع وهام وحقيقة الصمت في بعض الاحيان
ويكون ابلغ من الكلام
سلمتى ودمتى بخير