[عبدالله محسن البيشي]

السلام عليكم ورحمة الله وبركاته

بسم الله الرحمن الرحيم

هاذي اول مشاركة لي بقصيدة غزلية حبيت تكون بكتابة وبنفس الوقت شيله لجل توضح اكثر لو كان بالقراية ماوضحت فأتمنى تحوز على رضاكم واتمنى لو كان عندكم اي نظرة او انتقاد فيها تخلوني استفيد من خبراتكم ومعرفة الرجال كنوز ..

وهي بالحقيقه 70 بيت لكن اللي بطرحها هنا 16 بيت ..

الـحـشا والقلب مع الـروح والعين
بركـــان شــوق ثـايـر يـاظـنـيـني

الـلـه يرحم حـال كــــل المساكـين
الـلي عـلـى شـوف الغضي ميتني

لوغاب عني صرت شبه المجانين
ماغير اهوجس واصفق بها يديني

عيّـا المنام يجيني والناس ممسين
ابــيـع هـمّـي والشـقـا مـحـتـويني

كني اشوف من الخـــلايق صفين
صــفٍّ يـطـعـنّـي وآخــر يـبـيـني

عزي لمن شـرب المراره بكاسين
حـرٍّ وعـوّد صـاحـبـي يـشـتريني

حبس مقيد صــــورة لـلـمـساجيـن
عطشٍ ولا في هالبشر من رويني

وعروق دمــي قطعتها السكـاكـين
مـعـاد بـاقـي غـيـر جـنٍّ يـجـيــني

صوتي عـــذاب منفجر بالشرايين
وجـره ورى جـره تـسـحب ونيني

لــــولا الجرايد اعـتـليت العناوين
بــس الـبـلا مـهـنـا طـبـيب قويني

شبيت نــاري احتري زوله الزين
كــود يـشـوف الـحـال ثمّن يجيني

لــــوّه يـبصـر فيني يشوف ويبين
حـبـه ومـكـتـوب عـلـى هالجبيني

نـقــش وللحنا بـكـفـوف المـزايين
وخــد سـوا الـقـمـره الـلي تعتليني

يــافــاتـني يكـفـيـك شـر الشياطين
لوّك كـمــا الشيطان وتحوف فيني

ضـيـعـتـني مـابــيـن بسمة وسنيّن
وشـعـر الاصـيـلـه مـهرة تنتشيني

لـولا الـكـرامـة والثقل والموازيين
لــطــيــر لـعنـاقــه وكـلـن يـريني

وعساني تجملت والله يحفظكم جميع

اخوكم الجنوبي عبدالله .