[عايض ابوشيبه]

المشاركة الأصلية كتبت بواسطة ناصر عبيد الهواوي

يابيت دربي عنك من قبل مقطوع=ولا دار في خلدي لدارك رجوعي
وأنشوا لهم خط ٍعن الباب كم بوع=واليوم مريتك على غير طوعي
لي عنك ما يقرب من الفين الأسبوع=من عمرنا زلت بحسبة إسبوع
عزالله إنك من طغى الوقت بك لوع=وأنا بعد بي من غثى الوقت لوع
من حالتك يابيت انا صابني روع=شوفتك في هالوضع والله تروعي
السقف طايح والخشب منه مشلوع=والسور هد وكل باب امخلوعي
حتى النخيل اللي حواليك مقلوع=وهشٌم شجرك ولا بقي لك زروع
وأثرك لي لغم ٍبتامين منزوع=ثار بشظايا ذكريات ٍخشوعي
وعلى العتب طحت متراكي على الكوع=ومثل الحريقة ولعت في ضلوعي
كني بمشعاب ٍعلى الراس مصقوع=من كف مغتاظ ٍغليظ ٍ قطوعي
أوكن بي مس ٍمن الجن مصروع=أبكي وأنا أضحك من تهامل دموعي
بعد ثلاثين السنة ترجي إرجوع=ما أخبلك عين ٍترتجين الرجوعي
أصغي بسمعي كني أوحيه وأفوع=لولا التنهت كان كبدي تموعي
يابيت جاوبني على كل موضوع=مير أنت ماتذكر خفايا وضوعي
وين الخشوف اللي بريضانك إرتوع=ووين الشناح اللي عليهن فروعي
البدر له من بين حجانه إطلوع=وورد المصايف من ردونه يضوعي
كل الحلا والملح بالخد مطبوع=ومن الغلا له يستحق الخضوعي
الجيد جيد اللي من الرمي مفجوع=والعين عين اللي شهر للطلوعي
مع الحضر بالمدن ما شفت له نوع=ولا له شبيه ٍمع جميع النجوعي
مقابله يروي ويشبع من الجوع=ولو يلمس اللي طوٌل إغماه يوعي
آرد الى ما غطوا الناس بهجوع=واصدر قبل يبدي لفاضح طلوعي
كل الحرج عن كل مكشوف مرفوع=وفي غير ذا والله لو أحب كوعي

صح لساااااااااااانك


شاعر جميل

تحياتي