[الخنساء]

المشاركة الأصلية كتبت بواسطة محمد الأحمري

أختار ذيبٍ خلله سلاح يمناك=وإلا الردي خلله ولامنه حاجه
واجد تحصل من تعايش بدنياك=نادر تلاقي للمصايب علاجه
لخترت حرٍ صاحبي ياهنياك =فزّاع صالب دهركم من عواجه
يجلّيه همك لا ولا يوم ينساك=ماصك بابه مسفهلٍ حجاجه
لاضقت أقبل ما أبد يوم خلاك=وغيره تخلى ما ترى لوعجاجه
اصحى تصاحب رادي الفعل نهياك=تجْرب معه ياالحر تصبح دجاجه
والأجودي الّزم مساره بيجزاك=خير الفعل والطيب/ أبيض زجاجه
ولو مالقيت الحر ماأصبح عطاياك=عش بإنعزال ولا برفقة سماجه
الشيخ شيخٍ با الفعايل أنا فداك=يثبت وجوده لاكثير الهراجه
والسر أحذر لاتفشي خفاياك=كم طامعٍ سمّ العسل بمتزاجه
والهم احفظ لاتبين بلاياك=وشكوى لغير الله ذل وهماجه
اصبر وصبرك من حلاوي مزاياك=فا الصبر فاتح للفرج وافتراجه
لاجاك ضيفك رحب وهلّ لاجاك=لوهو عدوك أكرمه لي خراجه
الشهم شم وطيب الأفعال يعلاك=أحذر تساير مسلكه ومنتهاجه
بتشوف واجد لابقى العمر وياك=تلقى التفارق واختلاف التواجه
والرجل لاعنّز عليكم وينخاك=فزّ وتهيأ وقضها له حواجه
لأنه عرفك وماتعنا وينصاك=إلا بتفرج علته ببتهاجه
درب الكرم امش بطريقه ورجواك=خل الوفى طبعك واتبع سراجه
والسوء أجزاه الحسن ذا مداواك=يمكن بتكسب من تغير مزاجه
والخير سوّه لاترقب سواياك=عند الله اعظم وأنت له في محاجه

صح لسانك مليون

ابيات رائعة جزلة

ترجمت روعة الصفات

سلمت ودمت بخير