قصيده ارشيفيه فتقبلوها
بصبر واقول اللي حصل ليه بها الدنياء نصيب=بالرغم من كثر الجروح اللي لقلبي مزعت
ومن شاف منهم حالتي وصاني بشوفت طبيب=ماشاف منهم واحدن عيني ليا ضقت ادمعت
صحيح انا من شافني في نضرته بأني غريب=مالومهم لأن الجروح بوسط قلبي ولعت
اضحك مع الواحد وخبي مابقلبي من لهيب=بس الدموع الفاضحه من داخل اعيوني سعت
من كثر مأرمي بالسهام ابكثرها لازم تصيب=لاكن حسافه خاب سهمي والحبال اتقطعت
من زود همي صرت اشوف الشمس بعيوني تغيب=والشمس انا راقبتها من قبل ساعات اطلعت
اسج بأطراف الخلا كأني مضيع لي ذهيب=والمشكله في هالهموم اللي علي اتجمعت
عايش وحيد ابوحدتي ماذل نفسي للقريب= والناس من يشكي عليها في جروحه وسعت
بأشكي على اللي لا دعاه العبد للدعوه يجيب=الواحد اللي له جميع الناس فالفرض اركعت
من مكانه فوق عرشه سمع حتى الدبيب= يعلم احوال القلوب اللي من اقصاها دعت
يارب انا عبدك وهمي ضاق بي وانت المجيب=حالي تبدل والليال السود ليه مارعت
مالي سواك ورحمتك بأسعالها وانت المجيب=يارب حقق لي مناتي لاعلي اتصعبت
واختامها مدري ردات الحظ اوقل النصيب=خلت عيوني لا ذكرت اهموم قلبي دمعت