صغيره بدري ياعمري على الأشواق والغيره=صغيره بدري عاالدنيا وعلى لوعة لياليها
أخاف الوضع يتطور /وبنهيها معك سيرة=أخاف الفرح يتبدل وذكرى الفرح ماضيها
أبيك تعيش في وقتك ولاتبدل أبد غيره=أبيك تصاحب الفرحه تمتع في معانيها
مابيك تجرب الدمعه ولاتغزيكم الحيرة=مابيك تعيش في الغربه وتجني من بلاويها
مابيك تعيش ماعشته طريقٍ صعب تفسيره=مابيك تجرب القسوه همومك من يداريها
مابيك تعيش مو عايش ووضعك صعب تعبيره=مابيك تذوق ماذقته حياتك منت شاريها
حرام السعد ياصغيَر تشوفه وانت ماتسيره=حرام الوقت يسبقكم ولاتدري بتاليها
صحيح أني أنا أحبك وحبك داخلي ديره=سكنها بس هو ذاتك وتملك كل اراضيها
ولكن بكره تتأكد كلامي تذكره خِيّره =وخوفي من أمل بكره كثير أوهام تجنيها
أببعد عنك وعذرني طريقي أحذر تسيره =وعيش بوقتك لوقتك براءة طفل وحييها