أببتعـد وأنـت ليتـك تبتعـد عنـي
من صالحك ياحبيب القلـب تنسانـي
باكر إذا شفت نفسك صـرت متْهنـي
تدعي لي بخير .. وتْضحّي علشانـي
أنت تْعرفني صدوق وغيـر متْجنـي
واضح .. وضوحي على ماقيل عنواني
أحبـك بصـدق .. وأتْمنـاك لكـنـي
مابيك تلعـب بأحاسيسـي ووجدانـي
مجنون غيره .. عليك أغار أنا منـي
وأسال علامي أنا وش فيْ وشجاني .؟
شـف كـل شـي ٍ حواليّـه يجننـي
لاجا لذكـرك مجـال أزيـد بجنانـي
أشوفـك أحيـان ماتهتـم .. ماكنـي
حبيبك اللـي عليـه تقـول شفقانـي
وأتْذكر أبيات تطـري واقعـد أغنـي
ماهي على القاف بس توافق أوزانـي
شطحت يومه حمد (1) يشطح ويفتني
وأنا بَقّلـد حمـد واشطـح بقيفانـي
صح لسانك ولاهنت
ابيات رائعة
ترجمت الاحساس الصادق
سلمت ودمت بخير
وكل عام وانت بخير اخى الشاعر مبارك