أناااا
أنا الحياة بكل ألوانها ..
الحب والعشق والخيال والبراءة ..
انااا الحزن والفرح بكل أنواااعه..
اناا من كتبت هذه الابياات
وانا من تتمنى ان تنال استحسان
النخبه من رواد هذا المنتدى
حباه الله بوصوفٍ جميله ما بها تزييف=وكساه الله من عز الرجال شموخ ومهابه
عليه الله غزاني ومر قدامي مثيل الطيف=وسلب قلبي وتركني واقفه انطر على اعتابه
يسائلني عن الهقوى وابي احكي وخاف الحيف=واخاف تبين اشواقي دموعٍ حيل صبابه
احس الحر وانا داخل الغرفه وبه تكييف=وجر الصوت بشعاري لان الشعر يزهابه
وهبته قلبٍ اعياه العلاج ويطلب التلطيف=وملك قلبٍ عجز لا يهتني بوصال احبابه
عروقي في غيابه صابها قسوه مع تجفيف=واشواقي لوصله بالحشى توقد وشبابه
غديت بحبكم مثل الغريب اللي وصل لجنيف=يتوه بزحمة الشارع وينشد ناس مرتابه
حبيبي لو غلاكم ينشرى بالمال والتكليف=ابجيش جيوش الحب وادفع كامل ازهابه
ولو كان الغلا منكم ابكتسبه بحد السيف=اباقيم الحروب اللي توصلني ثرى بابه
ولو سهم الهوى يعلن على كل البشر تصريف=ابجمع بسهمك وارفعه لين اخر اقطابه
ولو تبغي ادور لك لحالة حبنا تعريف=اباقلك هوانا مثل خيلٍ بيد نهابه
ولو كان الرجاء ينفع رجيتك من هنا للصيف=ولكن الله اقوى قدر المقدور بكتابه
واخر رحلة الغربه دموعٍ مالها تكفيف=من اللي يمسح الدمعه مدام الحظ ما جابه