[النهج المختلف]

لاهنت يا شوق الغلا جيت لاهنت=تذكر بقايا حبنا والوعد فات
يا قلب لو تذكره ما شايف الا انت=حتى ولو تذكره في بعض الابيات
أبيات عنها بعدما انت اسكنت=احساسها الطاغي بأصدق عبارات
امسيت في شوقن بحبًه تمكنت=تسكب حروف الحب باسباب نظرات
نظرات تسحرني معا ها وأعلنت =ذاك الشعور المحتمي كل نسمات
نسمه تفوح بريحها عطر هال بنت=تاخذ معا ها الروح لبعد مسافات
اليوم أصبحنا ولا كانت و كنت=ماضي خيال وان حصل بعض لحظات
لحظه تجي والثانيه ليت خمنت=إن البدايه عقبها في نهايات
قالت فمان الله مشكور واحسنت=جربت معنى الحب بشعور وآهات
قلت السبب يا غاية الروح ما خنت=وبعض النوايا وسوسه دون نيات
اتبسمت في صمتها لين برهنت=ما عاد من رجعه تبي تروح بسكات
سو الذي فالبال ما دامني شنت=تبي تواد عني على اجمل تحيات
ألظاهر انك يالغلا قد تجننت=واحسب علاقتنا سجايا عفيفات
عن حبك اعذرني تراني تحصنت=هذي معاني تعتلي كل وصفات
تركتها من عقب ما شفت وأيقنت=كن الهوى سلوى وصفحة روايات
قصة غرام ن ما مضى منه عاينت=حتى الهوى والحب أصبح هوايات
وقت ن على بالي وياكيف هيمنت=تجرح معاك الروح وتقول هيهات
تزعج معا ها الفكر وتقول امنت=هذي حياتي عشتها وسط غايات
سكنت داخل هال خفوق او تمكنت=توصف غلاي بقلبها ابنبض كلمات
والحين بنهي حبنا عقب دونت=صوتي وصداها في جميع الزوايات
لا تطري الرجعه ايا شوق لاهنت=أنسى وبنسى كل ذيك البدايات