[شمس القحطاني]

ما عنك خافي كل ما حل طاريك


يهل ّ دمعي مثل وبل السحابه



وتبكي الحنون وتنتخي بك وترجيك


من لا مها جعله يضيّع صوابه




يابوي ليتك تسمع اللي يشاكيك


وتشوف عقبك ما جراله وصابه



على النعش سجّت عيوني تراعيك


واشوف قبرك يوم هلّوا ترابه




وشفت النصايب فوق قبرك تحجيك


ياشين هاك اليوم واللي جرا به




اقفوا وأنا قلبي من الشوق قافيك


أقنب من الفرقا قنيب الذيابه




يابوي أنا لك برفع الصوت وابكيك


وقت ٍ مضا وياك لاواسفابه




كل ٍ يغيب ورجعته لك تسليك


إلا طريح الموت يبطي غيابه




مرحوم ياللي كل الأجواد تغليك


فيك الكرم والجود كل ٍ درى به