رجعتي بعد طول الوقت بماضي قد تناسيته=وكم حاولت انا اداري بشمعات الأمل فيني
رجعتي وجفت دموعي على حب(ن)قد ارويته=بحثت بكل ها العالم عن دروبك مع سنيني
رجعتي ورجعك وقتك على ماضي تمنيته=ولكن حاظر الأيام رجوعك مابيعنيني
صحيح ابغيبتك عالم من الأحزان عانيته=صحيح إني تمنيتك ولو مرسال يرويني
صحيح إن الصباح اظلم ويوحش كان مريته=ولكن البلى ليلي بدونك كيف يهنيني
صرخت اسمعك لجبال(ن)ترد الصوت ياليته=تجاوب من صدى صوتي /حبيبك راح ياعيني
طلبتك روحي لاتردي غرامك جد مليته=علامك يوم انا عطشان رحتي ما تسقّيني
رحلتي لغيري وخانك نزيف كنت اقفيته=تهنّي ماجنت يدك طلبتك لاترجيني
انا ثوبي لباس الجد جديد وليّ آويته=وما البس مالبس غيري إذا أنتي عرفتيني