الجاهل الي يغث القلب باجحافه=خفيف عقله ورى جرعات يجرعها
يشوف نفسه على العالم بصفصافه=يطرد سرابه ونفسه عجْز يجمعها
يبغى المناعير تمدح هزت اكتافه=والبخل من عادته والجزيه يدفعها
في المواقيف دايم تبرد اطرافه = والكذبه اسلوب عنده دوم يصنعها
ماقد بدى مختفي مامله الحافه = مغمور مقهور والعادات يجدعها
مريض نفسي وروحه وسط نتافه=والغزوه لو جات ماظنيت يمنعها
على العواهل مغمض يرمي اشرافه=رمي القفاء ديدنه والغيبه يسمعها
ماهو من اهل الوفاء والجبن مغرافه=يغص من لقمته والناس تبلعها
ذا صنف مجنون ماهو صعب كتّافه=اعوذ بالله من الفتنه ومنبعها
الجهل نقمه ولاهل الجهل صرافه =طبّالة الزور عل الرب يقلعها
والجاهل الي رمى ماحدد اهدافه=يرجع رصاصه على روحه ويشلعها