[دايود صالح الخلف]

السلام عليكم ورحمه الله وبركاته

اضع بين ايديكم هذه القصيده
التي اتنمأ انها تنال على رضاكم واعجابكم

وانا كتبتها لشيئيـن اساسين شفتهم بـ مواقع الدردشه

1 = بعض الشعراء الله يهديهم يكتب الشعر
الغزلي من اجل انه يحصل على اكبر قدر ممكن من البنات
وهذا الأمر ضايقني انه يتسـتر بالشعر لأجل شي اخر.

2 = بعض الشعراء يتغزل بمحبوبته فتجدها تخونه
وبعد الخيانه يتغير اسلوبه من غزلي لـ هجائي
لأن الحب بالاساس لم يكن صادق
لو كان صادق من الشاعر او المحبوبه لما تطلب الامر لـ الهجاء


لا اطيل واتمنأ انها تعجبكم

ماني من اللي يكتبون الكلامي=لعيون بنت ٍ جالسه بين جنسين
انا حروفي نابعه من هيامي=ما طيق شعر ٍ للغزل فيه وجهين
يكتب من ابيات الغزل كالسهامي=تدخل بقلب البنت وتقول مسكين
يكتبه لجل البنت ترسل سلامي=مره ومره لين صاروا محبين
يسرق به العفه ويظهر حرامي=ويقول ميـّـت فيك يا كامل الزين
ماتدري انه ساهر ٍ في ظلامي=يسهر عشان يكوّن اكثر مساجين
مثله مثل باق ِ العذارى مرامي=ثم ٍ ترى بعده يدوّر ملاييـن
والوجه الآخر شاعر ٍ ما يلامي=عاش الغرام ويكتبه ضمن سطرين
يومه يحبه دايم ٍ له يحامـي=مزيونةٍ والله ما مثلــه اثنيــن
ثم ٍ تشوفه ينقلب كالحمـامي=قفـّـت وراحت راسمه فيه جرحيـن
يكتب بيوت الشتم حامي بحامي=مقهور يرجي ردة الصاع صاعين
منتي بـ كفو ٍ للغلا واحتـرامي=طبعك وشكلك سايـد ٍ فيهم الشين
لا صار هذا نهجهم بهتمـامي=تصبح حروف الشعر بين المجانين
الشعر صدق ٍ بالاحاسيس نامي=ماهو بكذب ٍيمحي الطيب والدين
والحاء وحرف الباء ِ معنى الغرامي=لاصار صادق بين قلب الحبيـبين
دمتم بخير ٍ يالربع بالختـامي=صلو على خير البشر والنبيـيـن

وسلامتـكم .


واتمنأ من الشعار اللذين يتبعون الغزل انهم لا يشيلون
بخاطرهم عليّ . فهذا من واقع رأيته .


تحيتي لكم