ماهزك الشوق ؟ ما زلزلك ياغاده ؟
............................. للحين عز البرود يعانق أعصابك ؟؟
ياحظ قلبك بروده . صار له عاده
......................... ياحظك الشوووق ما وقف على بابك
وانا لي الشووق صار الحاف ووساده
......................... وفراشي الهاجس اللي عانق أهدابك
يومن قلبي لهيب الشوق يعتاده
......................... أنتي . ولاظن ذرة شوووق . تنتابك
يالعنبو هالبرود. ويلعن أسياده
......................... شوه مزاياك . ليييييين انه توصابك
يبسط عليك النفوذ ويفرض أبعاده
..................... وان مارمى بك بحضن البُعد . ماجابك
ماتذكرين الغرام ويوم ميلاده؟
............................. ماتذكرين القصيد اللي تغنى بك؟
ماتذكرين . القمر. والليل. وسهاده ؟
.............................. ماتذكرين الهيام . وهمس عنابك؟
ذكرى تهز الخفوق وعطرها. زاده
.......................... أهمها . ضحكتك مع روعة أطيابك
كم لي وانا في لهيب الشووق وعناده
............................. أموت مليون مره غصب. واحيابك
ولازلت باقي على ذكراااااك. ياغاده
........................ وأنتي . ولاظن . ذرة . شوق. تنتابك