[هاجس نجد]

المشاركة الأصلية كتبت بواسطة سعود القحطاني

تحياتي لهذا الصرح والقائمين عليه

هنا هذا النص فقط مجرد هذيان

أتمنى يرتقي لكم

عمار ياضوٍ حٍ ضحاضيح قبلي=قامت ترزم بالمثاني رعوده
برقٍ شعاعه للمشافيق هبلي=ضافي وسبحان اللذي من يقوده
جلست أخايل بارقه وين يبلي=وخلته على القبله لعالي نفوده
وأقبل يدوف بداخله صوت طبلي=لحن الحيا ماهي لحونٍ بعوده
أشعل مقاديمه وبطنه وهبلي=در المزون اللي ركز برق جوده
لو إنها تضرب كما ضرب وبلي=وبله سقى عدٍ تعدت وروده
أسعد بها قلبٍ من العام مبلي=يرجي مطر طشه ويرجي سعوده
إن قاله الله والعمر من كتبلي=نمشي بريضانٍ زهت به وروده
مع الحبيب اللي إنقطع فيه حبلي=حبل المواصل باينه لي جحوده
مدري خيال ولو تقولون خبلي=شاعر مشاعر بس عدى حدوده

الأخ العزيز الشاعر / سعـــود القحطـــانـي

والنعم والله فيك وبقحطان كلهم

أهل الفزعات والعلوم الغانمة

صح لسانك وعلا شأنك

قصيدة وافية من شاعر وافي ومتمكن

أتمنى من الله تجمعنا الأيام في روض عشبه وفير

وغديره صافي وغزير والذبيحة معلقة في غصن شجرة

والنار عليها الحطب والدلال وهبة الريح مع النشاما شرواك

تقبل تحياتي وتقديري

أخــــوك

سعــد عبــد الله العبيــد

هاجس }{ نجــــد