[زهرة اللوتس]

المشاركة الأصلية كتبت بواسطة عبدالله الثويني

أضع هذه الابيات المتواضعه بين أيديكم
متمنياً أن تنال القليل من إعجابكم

..
..

طاب لي نظم القوافي ... والحروف الأبجديـٌه=وإرتوت ذيك العروق .. اللي تشكـٌت من ضماها
حن قلبي .. للحروف . الحانيه والعاطفيـٌه = كـن نفسي ودٌعت من بعد لقياها .. غثاها
يوم شفت اللي جلى ظلمة سواد الليل ضيـٌه=العيون اللي كساها الهـم .. فارقها .. شقاها
يوم سلهم با العيون .. الناعسات الحاتميـٌه=قلت,, ياربي دخيلك... لا تعاقب من رآهـا
وصفها لاجيت أبوصف عن تواصيفي غنيـٌه=كل شاعر لو يحاول وصفها ... يتعب معاها
لو تبالغ في وصوفه يُعتبر فيها شويـٌه=فرقها عن غيرها ياصاحبي ... زايد حلاها
مُعجزه... ماكنها بين الخلايق آدميـٌه=ويٌل قلب اللي تولع ... يارفيقي في هواها
راح قلبي من سبايب نظرة عيونه ضحيـٌه=كيف لو حاول خفوقي با الهوى يبلغ مداها
مالها ياصاحبي من بين صحبتها سميـٌه=نادره سبحان منهو في محاسنها كساها
من نظرها دق قلبه مثل دق السامريـٌه=أشهد إن اللي نظرها ...لو ثواني مانساها
خطوته فيها ثقه... كنٌها قائد سريـٌه=بالبدايه دائماً ... تترك العالم.. وراها
البشر من حولها من شافها ...يضرب تحيـٌه=ويل. منهو مامشى في شورها .ولا عصاها
قلت في نفسي وانا محتار والاشواق حيـٌه=والهجوس الشاعريه عاجزه عن مبتغاها
وآهنيه من قدر يوصل غلاها واهنيـٌه=تستحق اللي يقدم كل مايملك فداها
سج فكري والهواجس بين روحه .. بين جيـٌه=والمصيبه ماوصل هوجاس فكري منتهاها
أشهد إني ذقت من نظراتها ..كل الأذيـٌه=عاد قلبي.. للمحبه بعد ماتاب ..وهجاها
قمت أفكر با الحبيبه ... والعلوم الأوليـٌه=قام قلبي يفتكر ذيك الدروب ...اللي مشاها
يوم كنا في دروب الحب.. ياخلي سويـٌه=آه ياذيك الليالي ... ياهوى يسعد مساها
من قبل لا نفترق من دون ذنب.. ولا خطيـٌه=أشهد إن العين هلٌت دمعها وإنزاح ماها
ويش أسوي يازمن .. ماعاد باقي في يديـٌه=غير نظم المفردات اللي تذكرني بهواها
كيف كنا .. وكيف صرنا .. وردتين بمزهريٌه=لكن إن الوقت بعثر عطرها وازكى شذاها
لا تزيدي ياقوافي.... ذكرها يصعب عليـٌه=لا تزيدي. وإتركي مافات مدفون... بثراها

صح لسانك الاخ الشاعر
عبد الله الثويني
ولاهان راسك
قصيدة رائعة
ابدعت سلمت
وسلم فكرك
تحياتي
وتقديري