حضور
بين مبدعين الفطاحله على خجل
تمرير لو سمحتوا
حزات احس اني كرهتك ولا ابيـك=وحزات احس انك على القلب سلطان
وحزات اشوف الموت لامر طاريك=وحزات احس انك نظر سود الأعيان
وحزات أحس القلب مقفى وجافيك=وحزات احس انك نبض كل شريان
وحزات احسك غربة ٍ ضايعٍ فيك=وحزات احسك ديرتى وكل الأوطان
وحزات احس الشوك جله معانيك=وحزات حرفك يقطف الورد بجنان
هذا شعوري به تناقض يناجيك=يرسمنى بلوحه عتيمه بلا الوان
ان جيتنى مابيك وأن رحت أنا بيك=ياسيد قلب ٍ صرت له دوم عنوان
ياغنوتي متى نفل الشرابيك=كل ماذكرتك صاغ حرفي بالألحان
إلحون قافي لو سمعتيه يبكيك=تبكين ليله والليالي هي أزمان
من شافني في لحظته قال وش فيك=وانا بقلبي شايف اليوم بركان
وشفت القوافي ولًعت به مساريك=وقافي على عجزه ختم فيه سلطان..