جديدة الآن
لاعدت ياحُب صرفني عن الغير=عزاه ياوجدي ويابري حالي
حُب ٍ صرفني عن جميع الغنادير=وأسقان كأس المر ماذقت حالي
ياشبه وضحاً من خيار المغاتير=ماترتع إلا في قفور المفالي
بنت الرجال أهل الفعول المشاهير=يشهد بها التاريخ أول وتالي
رجّالهم يبطش مثل سالم الزير=ودون الجميلة مايحسب الريالي
حُبك مثل مخلاب عوج الدناقير=شلعت به قلب ٍ بحُبك مثالي
لافي الهوا خير ٍ ولا في العرب خير=عشاق لكن في يمين وشمالي
مثل المغنّي عاشق ٍ للمزامير=تلقاه دايم مع حداها يلالي
يطرب لعزف العود ويشوش للزير=ويلعب مع المزمار طرب ٍ وسالي
وهذا هوا كل السنين المواخير=يقطعك ياعشق السنين التوالي