اقتباس:
المشاركة الأصلية كتبت بواسطة الـزلـزال
بسم الله الرحمن الرحيم
كيبورديه على عُجاله بعنوان
( أمية حدود )
من يغرس الورد مايلطم خدود = ومن يشعل النار يبشربالدفا
لكن بين على دربك صدود = يالله عسى مايجي لفحة جفا
أن كان ناوي تجيني بالجحود = بجيك لو كل مافيه حفا
باصلك لو بيننا أمية حدود = القلب لك ما على قلبك خفا
ياأجمل ورود الحلا يااجمل ورود = يازهر نابت على قمة صفا
القلب يمك ولك حبي يزود = حتى يردد خفوقك لي كفا
ماغير حبك على قلبي يسود = وماغير حبك على قلبي طفا
تكفى تكرم على القلب الودود = يلي وصالك متمم لي ظفا
وأبشر بقلبي على قلبك يجود = لو شاف منك الوفا نبعه صفا
بالله تكرم قبل لطم الخدود = قبل الحسايف على كلمة وفا
|
صح لسانك أخي الشاعرالجزل / الزلزال
نص وافي من وافي
تقبل مرورأخيك المتواضع
تقديري,,,,,,