مـــدخـــل
مارجيت افراح عمري من زمان=كارهٍ لحظات خــوف المحتمــل
الاماني مالها بقلبي مكان =لاتحاول ياالأمل مالك أمـــل
.
..
.
.
.
.
.
.
كنت حالم والسهــر غرً المنام =وكان حلمــي غيــر يومنـــي صغيـــر
كل همي في عريشك ياالحمام = خايفٍ ريح الهبايب لاتغير
وكل ماعديت عامٍ ضاق عام =ومات حلمٍ باالطفوله كان غيـــــر
شحت الدنيا وعيني باالغمام =واتبع الغيمه واخيــلك ياالغـــديــــر
لا برق برق السما فز الهيام=وقمت اخيل اشياء لايمكن تصــير
السراب الي سرابي ليه ضام =مادري ليه ان جيت ميـًه يستخيــر
مابقى في عبرتي غير الملام= مع دمــوع وخوف بأنفاس الاسير
للأماني درب والسكه ظلام= والمطر مافــرًح عيون الظـــــريــــر
ياطموحي مابقى عندي كلام =تعبت اسولف عن متاهات المصيـــــر
مابغيت الا وجود الاحترام =احتقاري حـــل بعيون الحقيــــر
مقتنع باالســــــلم لو مابه سلام =الشقى مكتوب في عمر الفقيــــــر
مارسمتك حلم ياريش النعام =كيف انا احلم فيك وفراشي حصيـــــر
مخــــرج
يالعنة الحرمان جيتك من الضيق= ضمي غريبٍ من عنا الوقت رحال
لولا الكسافه ماتضيق المعاليق =ولولا القهر مايشكي الضيم رجال