كنت قبل اصلي صلاة استخاره في حضور الزواجات اللي بالرياض لأن الجماعه البعيده ذي عيونهم قويه حيل
هذا في وقت زواج بنت اخوي من عقب صلاتي تحلمت بحلم يخوف ومارحت للزواج وأعتذرت
ونفس الحلم يتكرر معي في الايام اللي راحت فخفت
ووالله مو غرور زي مايفتكرون اصلا لو غرور ماحضرت الزواجات اللي موب بالرياض
يعني كل مافيه زواج بالرياض اتحلم تقريبا نفس الحلم
والحلم اللي اتحلم فيه ان شعري يتساقط بقوه وفيه اشياء ماأذكرها بس كل ماقمت عقب الحلم اقوم مفزوعه
بتقولون ياربي لك الحمد علشان شعرها مابتحضر زواج ولد اختها بس الحلم يلاحقني مما يخلني أخاف انه تحذير من ان شيء بيصير في شعري امكن أنا ماادري بس أخذ بالاسباب