[ماجد الزيد]

المشاركة الأصلية كتبت بواسطة فواز الغسلان

دروب اهـل الــمـراجــل يـلــزمـه قــدره وقــو ظــلــوع=واذا ضــاع الـــوفـى بـالـنــاس مع رب الـبـشـر مـاضـاع
وتـرى الـحـيــلات لـو تـنـفـع طلع نـفـعه على الــجــربوع=يـصـيـدونـه ولـو يــخـــفـــي دروب الـجـحـر بـالـمـقـصاع
وطيب العـيش دام اسمك بوسط اهل النـدى مرفـوع=واذا جــابــوك بـالـــطـــاري يــجـــي نـعـم وثــلاث اربـاع
ولا حاز الفخر قلب(ن)بـخـتـم اهـل الـجـشـع مـطبوع=وقـلب(ن)في وقوت البذل يـرجـف خـايـف(ن)مرتـاع
وبــذل الـطـيــب مـابــه خـيــر دامـه بـالــردى مـتـبــوع=مدامـك تـعـلــن افـضــالــك بـوســط الـنــاس بـالـمـذيـاع
واذا جــور الـلــيـــالي داس بـالـحــاجــه طــويــل الـبــوع=فـلا تـتــرك سـلـيــل الـطـيـب يـسـهـر ضايـق(ن)ملـتـاع
اذا تـــــقــــدر تــولــــع لـــه بـشــــدات الـــظــــلام شـــمـــوع=ولا تــرضـــى بـمــيــــقـــافـــه ذلــيــــل(ن)يــرجـــي الـبــيــاع
ولا تــرجـــي بـفـــزعـــات الـمــراجــل والـنــدى مـنــفــوع=لان الــطـيــب فـي رجــل(ن)بـفـعــلــه مـايـريـد اطـمـاع
حـسـافة نـسـل مـن تـمـشـي وراه من الـكــرام جــمـوع=وهو لـو طـحــت مـافــادك بـضـيـقــات الــزمــن بـكـراع
وهــذا حــق مــن يـاخــــذ بــنـــات الـــعـــفــن والـمـنــزوع=بـنــات الـلــي بـشــح الـنـفــس والــفــزعــات ذكـره شـاع
وقع من شوف مـجدول(ن)يـغـطــي جـسـمـهــا الـمـربـوع=ولا هـــمــــه حـصــاد الــزرع والا مـكــســـب الـــزراع
وجـاب الـلــي رسـب بـالـطـيــب والـمـنـطـق وبالـمجموع=واذا مـــد العرب بالكيـس مــد الـعـفــن نـصـف الـصاع
متى نـفــزع مـثــل ضــاري مـع الـلــي صـاح يـبـي فــزوع=ونـحـيــي ســيــرة(ن)كــانـــت تــفـــوح بــريـحــة الـنـعـنـاع
ونـفـعــل فـعــل ابــن عـيــده بـنـخــوا الـطــايـح الـمجـدوع=وكـيــف انــه شــرى نــاخــــيــه مـافـكــر يـجــيــه صــداع
سـمـــع لـه واحــد يـصـــرخ بـقـــــيــده يـاحــمــد مـفــجــوع=وقام الـشـهــم مـثــل الـسـبـع فـي روض(ن)وراه سباع
وقـف مـثــل الـجـبــل شامـخ تـحــده لـلــفـــزوع طــبـــوع=من اللي لا بـغــى الـمـدخـال مايـنــشــد عــن الـمـطـلاع
يـاعـلـك فـي جـنـان الـخـلــد تـشـرب صـافـي الـيـنـبــوع=بـدار(ن)مــتــرهــا الـغــالــي بــركـعــات الــدجــى يـنــباع
وجـــيــــل الــيــوم لــو عـــنــــده بـتـــجـــراتـــه ثـــمـــان فــروع=وتـطــلــب يـمـهــلـك حـتــى تــحــصــل لـلـســداد اسـنـاع
رمـاك بـغــرفــة(ن)ظـــلـمـاء تـلــوعــك بـالـمــغـــــثـــه لــوع=واذا حــاولــت بـــه دلا عـلــى عـــقـــلــك يــطــق اصـبــاع
واذا نـــاديــت مـثــل الـلــي يـــنــــادي مـن ورى مـيـــقـــوع=وهـو عـنــدك ولا بـيـنــك وبـيـنــه غــيــر خـمــس ابــواع
وحـيـاة الـلــي لــرضـوانـه تـشـوف اهـل الـصــلاح ركــوع=وخــــلا تـالــي الــدنـيــــا لـكــل الــخـــــلــق نـصـــف ذراع
يـلــو يـصــفــــي بـكــفــي مــال مـاسـويـــت بـــه مـشــروع=مـدام ان الـمـكـاســب فـيــه بـالـتــالــي قــطـــن ورقــاع
ولــكــــنــــه يـــعــــانــــدنــي سـريـــع ويــــفـــــلـــت الــمــسـبـــوع=يـقـــول ان الـسـبــب كــفــك نــوافـــذهــا تـصـــيـــر وسـاع
وقلت الـقــفــل لـكـفـــوفـــي صـدر بـــه حـكـمــنــا مـمـنـوع=مدام انـي سـلـيــل الـلــي عطـاه اســرع مــن الــذعــذاع
سليل الـلــي بــدرب الـطـيـب يـمـشــي لـلـكــرام قــطــوع=واذا شــاف الــذي يـشـكــي زمــانــه مـايــحــط قــنــاع
واذا سولـف بوسـط الـنـاس هـرجــه لـلـعــرب مـسـمـوع=وخـــلاهـا نــظـــيـــف الـعــرض مــع هــارون والــقــعــقـــاع
وخــــلا دلـــــة(ن)تـشـكــي لــهـــيــــبــه والـعــبـــاد هـجـــوع=دلال(ن)في هـشـيـم الـنـار تـشكـي من حـديـد(ن)مـاع
مـشـيـت بـسـيـرتــه لـكــن رجـعـت من الـعـرب مصـفــوع=وجــابــوا لــي مـن وصــوف الـهـبــال بـديــرتـي بـشـراع
مـع انــي مـادخــلـــت الـســوق ثـوبـــي بـالــعــفــن مـرقـوع=وسهر العين من قـلـب(ن)يـعــانــي من ثــلاث اوجــاع
كـتـمـتــه مـابـغـيــت احــد(ن)خبيث(ن)يـنـشـر الـمـوضوع=ويـفــهــم سـرهــا الـخــافــي بـعــيــد الـشــوف والـمرماع
وانـا مـااغـيـــب عــن شــهـــم(ن)نـخـــانـي بـالـقـهــر مدفـوع=ورزقـي من كــفــوف الـلــي يـغـيــث الـــقـــاع بـالـمـربـاع
الا جــاعــت بـطـــون الـلــي تــرك طـيـبـه يـخاف الـجـوع=واذا جــاه الــذي يـشـكــي ويــرجــي فـزعـــتــه مـاطـاع
انـا كـــيـــف اعــــتــــذر لـلـــي يــطـــق ابــوابــنــــا مــقـــطــوع=وانـا عـنــدي مـن ابــواب الــفــرج لاجـلـه ثـلاث انـواع
اذا الـلــي يـطــلــبـــه مــوجـــود يـبـــشــر بـالــمـعـونــه طـوع=او امـشــي لــه لـمـــن يـقـــدر يــدبـــر حــاجـتــه شـفـاع
او اعـطــيــتــه وعـــد بـالـطـيــب صـادق مايـعـــقـب اسبوع=اذا ضــرس الــوجـــع يــركـــد لــحـــزة جــيــبــة الـمــقــلاع
وراع الـطـيــب مـيـقــافــه لـضــرس الـلــي شـكــى شالـوع=وتـالــي جــهـــد دنـيــانــا لـكــل الــخــــلــق نـصـــف ذراع

حجز أول تشرفت به ولي عودة