اقتباس:
المشاركة الأصلية كتبت بواسطة عريمان السبيعي
السلام عليكم جميعا ورحمة الله
يسعدني الانضمام إلى هذا الصرح الأدبي الشامخ
وهذه الكوكبة المضيئة من الشعراء
وتقبلوا هذه المصافحة وهي عبارة عن رد على قصيدة
وجهت لي من الشاعر شافي آل عايض
مرحبا من هاجس الشعر وضميره = بالرفيق اللي فتح باب الخزانة
خابرٍ ماله مع الطاروق سيرة = مير عقب اليوم صح الله لسانه
هاضني خطك يشافي دون غيره = من فصاحة ماقريت ومن بيانه
وهالني ماقبل الابيات الاخيرة = بيت عمس الراي واللي من وزانه
الزمن مثل الرحاة المستديرة = والبشر فيها على حسب الديانة
لو تهيالك على نفس الوتيرة= الله اعلم وش ورى ذيك البطانة
لاتدقق في الصغيرة والكبيرة = مشّها لاهنت من باب الميانة
والخطأ وارد من كبار العشيرة= خل ناسٍ مالها فالكون خانة
كل منهم في الخلا يشعب بعيره = يحسب إنه لابدا عنتر زمانه
وان نصحته فالخفاء ياخو منيرة = ماتقول ألا ذبحت أغلى خوانه
كان راع الذود مايسمع شويره = راعي الظان اتركه يستاق ظانه
والنشاما ماتبى غير الستيرة = ماخلقها الله على الجاهل حصانة
لوماتاخذها تجاه الطيب غيره = ماخذت في المجتمع قدر ومكانة
وانت فالدرب الوعر عينك بصيرة = لو أقول الدرب وينه؟ قلت عانه!!
تحاياي |
الاخ عريمان السبيعي
بيض الله وجهك بنور الايمان..
ويا سلام عليك قلت فابدعت في هذا النص رائع والطرق الاروع
دائما جزل يا الجزل..
دمت بخير وصحه وسلامه ..ولا هنت يا الغالي