هذه ابيات تحكي عن حالها واتمنى ان اكون قد وفقت....تحياتي لكل من قراء ولو حرف منها......
يابنت ماهي عادتي طرد مقفين=وانتي بكيفك غادري واتركيني
مابيه قربك كان ماجيتي بلين=ما اجبرك في وصلي ولا تجبريني
تلقين غيري وانتي غيرك ملايين=ولاعاش راسي كان قلت اعذريني
الغدر ماهو من طباع المحبين=حالت سيوف الغدر بينك وبيني
كنت ارتجي وصلك من الحين للحين=والحين روحي يا خسارت سنيني
خلاص غيرت السكن والعناوين=لجل اتجنب جيتك لاتجيني
من لايعاهدني على العسر واللين=لاخير في عهده ولو هو يبيني
ومن يزرع الغامه بوسط البساتين=وشله يدور عطري وياسميني
ومن يلعب بجمر الغضى والسكاكين=يموت قهر وطعنته من يميني
ماني بمن يكسر قلوب المساكين=لكن رماك الحظ واوهمك فيني
طبعي كذا ماحب قلب الموازين=عيشت ملك ماهي بعيشت سجيني
تلعب ولكن شوف تلعب مع مين=صعبه ترى تكسب رضاي وحنيني
الغدر ماهو من طباع المحبين=حالت سيوف الغدر بينك وبيني
عبدالرحمن بن زهير