يرتاح بالي كل ماسجيت والهاجـس ضـوى=لاجـاء علـى وقتـه ونـا مشـتـاق لــه
يامرحبا ياهاجسـي مـالاح بـراق النـوى=لانشـت مقاديـمـه ونــوه ســاق لــه
لاهل مزنه مـن مخاييلـه معـى وادي دوى=يسقـي ديــارن أهلـهـا عـشـاق لــه
قال البقى جيتك على الداعي ونسناس الهـوى=مثلـك ملبـي لـه ولانــي عــاق لــه
في لازمك لاشي يهمك لاقنب ذيـب وعـوى=لاعـس ليـلـه والعـشـى مـاتـاق لــه
فج الخلاء عقب التعب يطويه لوهومانطـوى=حـتـى يشـوفـه بالعـيـون وراق لــه
ياذيب من خاواك ياذيـب الغوايـا ماغـوى=مافـاق لـك لاجـاه علمـك فــاق لــه
ون طالت المده على الصابر وحالـه ماقـوى=بـاب الفـرج ماصـكـه الــرزاق لــه
لا تختلف وتكون وجهات النظر عندك سـوى=وتقـول ماجالـه ولاشــي حــاق لــه
وصفة علاج الوقت ذي للدى بمصروف الدوى=فيـه الشفـى لاذن بــه الـخـلاق لــه
والعزم له دوره وتحقيق المقاصـد باالـروى=الغـصـن مايثمـرولاشـي ســاق لــه
قلها صريحه لاتهم المنـزوي حتـى انـزوى=وبـن الكبـاري واتــرك الأنـفـاق لــه
والظن خله فيـك طيـب يارفيـع المستـوى=مـن فـز لـك بالطيـب فــز ولاق لــه