[محمد عبدالله البدراني]

المشاركة الأصلية كتبت بواسطة ابو أنس

[align=center]اسعد الله أوقاتكم وملأها بالمسرات
هذه الأبيات جاءت إجابة لسؤال وردني عبر الهاتف(شعرا)وهي توضح مفادها
أمل ان تجد القبول والإستحسان[/align]

لاتكدر لاتحسّر يالله بطيب القسوم=واعرف الدنيا تراها مثل بيع ومشترا
نوب تغريك البضاعه تشتري والا تسوم=ويوم ما تنوي ولا شي(ن)على بالك طرا
والمصايب لو تطاوعها تعصرك كل يوم=مير لامرت فطمّن وان تونّت فاحذرا
والمشاكل ماعليها قبل ماتبدا وسوم=كان كلن راغ عنها او تونّى واحترا
والعقل صندوق راي ويحمل افكار وفهوم=ولايضير الرجل راي ان صار موثوق العرا
والمصايب لو توالت تجعل الرجل مهزوم=والحصيف اللي يسايرها ويجدعهــا ورا
والمجالس ما تطيب بغيرتفريج الهموم=فضفض لرجل(ن)تودّه وانت واياه خشرا
لاتوثقت بصديق(ن)صادق(ن)وده جزوم =يعرف حقوق الصداقه وان جرا مهما جرا
اجعل بصدرك مساحه تحتويه ولاتلوم=لاتلوم الصاحب من اول خطاه وتخسرا

العزيز الغالي ابو انس سلمه الله

والله اني حاولت اجد بيت او بيتين اقوم بنسخهن ولكن عندما ركزت على هذين البيتين :

لاتوثقت بصديق(ن)صادق(ن)وده جزوم
..................يعرف حقوق الصداقه وان جرا مهما جرا
اجعل بصدرك مساحه تحتويه ولاتلوم
...................لاتلوم الصاحب من اول خطاه وتخسرا

وجدت ان القصيده كلها تستحق النسخ والحفظ لما لها من دلالات قويه ومعاني ثريه

لله درك يابو انس وبيض الله وجهك

شعر الرجال يدل عليها

وانت معدنك ذهب ومن خلال شعرك اعلم بطيب اصلك وان مثل هذا الشعر لايصدر الا من الرجال الرجال ..

لاهنت وبيض الله وجهك


تحياتي
مع اسمى ايات الشكر فائق الاحترام واطيب المنى رعاك الاله