[طلال سويعد]

السلام عليكم ورحمة الله

سبق وان قمت بتنزيل هذا النص قبل اربعة ايام واختفى مع نقل المنتدى الى رسفر اخر

كل الود لمن شرفني بالمرور

لوسريـت بهاجسـك ابعد خـيـال=لو رسمت الليـل لعيونـك حـدود
اوجنيتي المر من صعـب المنـال=اوعرفتي مـن الامانـي كـل زود
ماهو فَخْـر ولاغـرور ولا ختيـال=بس شي من الامـر فينـي يسـود
بيدك انـتِ ارتـوى ضيـم الليـال=بـدد اطيـاف الامانـي والعهـود
كان قلبي طيف وعيونـي ضـلال=تحتويك بشوق مـن عطـفٍ ودود
الولـه والشـوق ودروب الامـال=والثواني الناظـره لهفـة وجـود
كلهـا كانـت لوصلـك ارتـحـال=جاوزت من صعبهـا كـل القيـود
ماجنت من جهدهـا غيـر المحـال=في مسارٍ ضاقبه صـدق الوعـود
من هجيرك غاب صـوت الاعتـدال=سار فيني يرسم إحساس الجحـود
خطوه خطوه 0 انتهى جموح الجدال=الي يفرض كل شـوقٍ لـك يجـود
صارلـي بالبعـد عـزة إمتـثـال=يرتقي بي دوم لسفـوح الصعـود
كل ذاك الـود وشجـون الوصـال=غاب فيه الضي0 بحضان الصـدود
لونثرتي الطيـب فدروبـي وطـال=ماضـن الوقـت لأحوالـك يعـود