[ضعيان البدرانى]

عسى السحاب اللي على كان يافهيد=من غرب يجتاحه رياح بشده
واليا تقافا كنه الريم شــــــريد=ما يعترض ممشاه ريح تصده
أبيه يطمن يم دار الأجاويد=وأول هماليله على سيف جده
ويمتدله من سيف جده تماديد=ويركد هواه إليا قرب من مصده
شمال من جده لحزم الجلاميد=وجنوب من جده شروره تحده
مدة كريم ما لجوده تحاديد=وإليا عطى ما يقدر أحد يرده
وأبيه يسقي نجد من غير تفنيد=ما كفته ريدا إلى المستجده
وإليا غدا لأرقاب نبته عناقيد=ما فيه ألذ من الرخا عقب شده
يطيب كيف مخازرات المفاريد=اللي لها بقلوب أهلها موده
وإن صادفت محدار وإلا مسانيد=دايم وهي للأوله مستعده
وإن صار حش جنوب وإلا تواعيد=وإلا هجيج يتبعه طول شده
محصان عندي سبقته كنها العيد=ونبا نعدلها من اليوم عده
بوضح تبارا كنها ذاير الصيد=ما تقضب المقطاره المسمهده
اللي يجيك مزايده فيه تزويد=إن زاد زدله وإن تواضع تعده
واللي يوسد حامض العلم توسيد=معاد له مشروه لو جاه ضده
الله على قدام بعد وتباعيد=من مقضبه في سهلة مجرهده