[الطائر المهاجر]

يقوم رب العائلة ابو عزيز من نومه حوالي الساعة الثامنة ، وإذا بجميع الأولاد جالسين ما راحوا للمدرسة...
خير إن شاء الله ... وش فيكم ... قالوا السواق رفض !!
راح للسواق ، سلامات وش بلاك ياكومار ، عسى منت مصخن ؟؟
كومار لم يجاوب ... ورمى مفاتيح السيارة عليه :
انا في هالحين هامور ... انا مافي شغل سواق..
يبن الحلال استح على وجهك وخلك رجال ، ماذي من عادتك ، خابرك نشمي..
سوف انت ... مافي قرقر كثير ... انا سيم انت وانت سيم انا ... انت في فلوس انا في فلوس
انت يبغى اجار غرفه انا يعطي انت ، انت يبغى فلوس اكل انا يعطي انت ، بس .. صبر اثنين يوم
انا يبيع اسهم حق انا في المواسي..
يبن الحلال تعوذ من الشيطان ورح ود العيال المدرسة ، وحنا ما نبي لك إلا الخير
لا... انا مافيه يودي ... انا مافيه يقوم الساعه خمسة ونصف ... هذا ولد انت .. انت لازم يقوم
يبن الحلال اخاف انك تبي زود في الراتب ، ما يخالف ابشر ، خلاص راتبك رايح يصير 900
كومار: اس هذا 900 ، حق شهر ، انا في يوم يجيب 900 ، خلاص انا يعطي انت 900 حق غرفة
واكل ، بس انت لازم يودي ولد انت مدرسة الساعه 600
الرجال فار دمه ، ونزل العقال وليّخه ، واخيرا قال ... خلاص بابا مافي مسكل انا يروح
يودي ولد مدرسة ، وركب العيال ، وبدل مايروح للمدرسة راح لقسم الشرطة ، وقال لهم
هذا بابا مافيه احترام قرار حكومة ، انا فيه يقول ابغى اشتغل في الأسهم ، وهو يضرب انا
العريف : افا .. ما يحترم قرار الحكومة ... كلش إلا ذيّه ، انت يا.... وهو يكلم الفرد ، تروح تحضره حالاً
وبالفعل راحوا وجروا ابو عزيز ، ومن دون نقاش وذبوه في التوقيف ... ياللي ما تستحي رجال هذا كبرك
وما تحترم قرار الحكومة .. ما تطلع إلا بكفاله..
ويبدو أن كومار اخذته الشفقة عليه ، فقال : أنا فيه يكفل ابو عزيز ... وبالفعل كفله وطلع