عندما..
تأتيك الطعنه تلو الطعنه..
ممّن تحب !!
ستكون أكثر ألما وأشد نزفا..
طعنات الحبيب جروح لا تندمل ..
بل قد تكون قاتله
( للمشـــــاعر )
وللحب نفسه
قصيده جسّدت هذا واقعا
اترككم
والتفاصيل
""""""""
""""""
""""
""
"
حبيبي لو عرفت إني أعاني = من اللوعات ما قصّر زماني !!
سنيني لو مضت لي في عذابك = عليها الشوق في قربك دعاني !!
صبرت ولا قويت اسكت على اللي = طعونه بيّنه بين المحاني !!
عطيته في حياته ما تمنى = وبذلت أكثر من حدود الأماني !!
اجي له والغلا فيني مسوَي = هوايل شوق من حبه دهاني !!
كتب أحلا القصايد في وصوفه = وأهذب له حروفي والمعاني !!
أبيه اشوف وش واقع حبيبه = عساه ايروف لا منّه لقاني !!
حياتي كلها يدري عشانه = غمرته حيل واسقيته حناني !!
قطعت اكبر مسافاته ولكن = لقيت الدرب من يمّه نساني !!
عرفته واكتشفت انه مخادع = جروحه من قسى وقته عطاني !!
مدحته ما دريت أني رثيته = وحالي من عناء جوره رثاني !!
بخيل الحب لا يمكن يفيدك = قليل إن قلت في حقّه أناني !!
نسى عمرٍ رهنته في يمينه = وترك قلبٍ وفاله في ثواني !!
خطاي إني رفعته فوق قدره = حسبت انه مع اللهفه حواني !!
أبرحل واتركه غلطه وصارت = وأعيش اللي بقالي من زماني !!
تحياتي لكم
النهر الخالد