على محض الصدف من غير لا فكرة ولا ميعاد=فلحظة ضاق راع الطوق من همه وآهاته
كفخ هايم معه همه عن دروب الفرح نشّاد=ودمعاته تبلل وجنته من كثر حسراته
نظر وإن البشر تحته مدن مقتضة الأفراد=وسأل نفسه من اللي بينهم مثلي أماراته
تجول يمنه ويسره وقرر بالرحيل أو كاد=وفجأة شاف له واحد يقلب في وريقاته
هبط عنده وذا لاهي وحوله دله وبراد=ودفتر والقلم يكتب قصايد من معاناته
تأمل فيه وليا أن العنى واضح وله أبعاد =فشكله ، في شرود الذهن ، في لونه ، فدمعاته
أخذ فرصه وحلق فالسما ساعة وعوّد عاد =وإذا صاحب وريقات الشعر لازال مع ذاته
تجرأ بالسلام اللي مخلد من زمان أجداد =وجاوبه التحية وابتدى للصرح لبناته
حكو واستأنسوا في لحظة تحسب من الأعياد=تناسو همهم والكل منهم عاش لحظاته
ولما توادعو راجين بكرة للقا ينعاد=خذو عهد الوفا ما منهم اللي تخون نياته
وراحو كل منهم في خياله يرجع العداد=عن اللي صار هو واقع ! أو إنه من خيالاته
وجو قدام موعدهم بساعة لدفتر الاستاد=وكلٍ قال أنا سابق حضوري قبل ساعاته
تهادو وأروع أشكال الهدايا عطرها يزداد=روايح من نفسهم تستمد الطيب نسماته
ولقو فطباعهم خانة يساوي لناتج الأعداد=وحتى همهم واحد إذا دارت مصيباته
وراع الطوق أخذ يبكي ويشرح همه المعتاد=وينعي حظه اللي حطّم آماله وبسماته
وضمه مغرمه ضمة غلا كنّه طفل فمهاد=وكفكف دمعته والكون كله خيييييم اسكاته
وبدا الإحساس يأخذ له لغة ماهي سوات الضاد=صدر يحكي .. وقلب يجاوبه من مغرم أبياته
وحلو كل قضاياهم وشاد الحب والله شاد=وكل موعد لهم يزداد فيه العشق صفواته
ولكن للأسف حانت نهاية قصة الميلاد=بعد ما ارتاح راع الطوق من همه وشكواته
سهر مغرم ، كتب شاعر ، نطق حرفه ، أبد ما فاد =خلاص أعلن فراق الولف والود قرر شتاته
وعاااااااد الشاعر لهمه وطيره مهتني برقاد=كأنه ما وعد في يوم ما تبعد مسافاته
حزييييييييينه قصة الشاعر نهايتها ألم وسهاد=وغريبة باع راع الطوق مرخص كل بيعاته