[هاجس نجد]

المشاركة الأصلية كتبت بواسطة شجاع عمر الأكلبي

تتحدّث عن نفسها

هذي منازل هل المجمول دراسي=لا جرةٍ نستدلبها ولا شوفه
ووضع المحبين بين الناس حساسي=راعي الهوا خطوته بالخوف محفوفه
أخاف لا جيت بنشد ناسه وناسي=أدرى على السد من واشي وملقوفه
أخاف من وأحد ٍ حاقد وبلاسي=نفسه على الغدر والتفريق مشغوفه
ماله مع أهل الوفا صوت ٍ ومجلاسي=دايم خلاف المقفي ينهش كتوفه
ولانيب عن حبها داله ولا ناسي=كبدي عليها بحد الشوق مشلوفه
أرجي مطيح الحيا وأزول عساسي=من شان ينقاد لي سلم ٍ على الحوفه
وأنشد عن النزل من ذا وذا ولا باسي=ما أحد ٍ من اللي بينشد مبديٍ خوفه
مافيه نكره ولا في القلب وسواسي=وقت الحيا دوجة العربان مالوفه
وأقابل اللي جديلة سترها الكاسي=لاوقفت كنها بالبشت ملفوفه
وأبو جبين ٍ بداجي الليل مقباسي=مقباس شهب ٍ على الشيطان محذوفه
معزل الوسط بالشبرين ينقاسي=من شافها قال من المثناه منصوفه
جمالها فطر من بالعرش متواسي=لاهوب روج ٍ ولا الحجان منتوفه
من بعدها الحال كنه فيه نساسي=ونفسي عن الزاد والمشروب مصروفه

وسلااااامتكم

أستاذنا الكبير / شجـــــاع عمـــر الأكلبـــي

صح لسانك وعلا شأنك

قصيدة وافيه من شاعر وافي

أتحفتنا بإبداعاتك وتميزك

أشكرك من كل قلبي على مشاركاتك القيمة

لك تحياتي وتقديري أستاذي الكبير أبو عمر

أخــــوك

سعــد بن عبــد الله العبيــد
هاجس
H
نجـــــد