[صنداح الزلامى]

المشاركة الأصلية كتبت بواسطة يوسف بن صالح

ياويل حالي وش بقى فـي حالـي=الليـل طّـول والقبـس مطفـيـة
وياراس مالي وش بقى مـن مالـي=يـاراس مالـي ماطلبـك ربحيـة
الربح في وصل الحبيـب الغالـي=أم الحـلا والطـلـة المرضـيـة
أوّاه ياحلمـن صحـى متعـالـي=من عقب ماهـو مربطـه بيديـه
اقفـى يتمتـم مقصـده رحّـالـي=وانـا ونفسـي نلعـب الـرديـه
ياليلـة الفرقـا دخيـل الـوالـي=اقـدار فينـا واصبحـت مقضيـة
يا بنـت خفـي دمعـك الهمالـي=والله مانسـى عشرتـك يـبنيـة
شاحت بوجهن ذابلن مـن تالـي=كنهـا تقـول ان دمعهـا ماريـه
الموقف اللي ما سرح مـن بالـي=كني على ملـة وانـا فـي الفيـة
من عقبها عايش سـراب اللالـي=روحي مدينة في الهـوى منسيـة
ما غير اهوجس واحتري المرسالي=اليـن جانـي حيّهـا مـن جيـة
جتنـي رسالتهـا علـى جوالـي="إن كنت ..... شوفنـي ........"
يادم فاير فـي عـروق اوصالـي=معقـول ولا نظرتـي وهمـيـة ؟
دقيت خايف من هجـوس البالـي=حيّاه حرفـن مـن شفاهـا حيـه
قالت : دخيلك .. ياعزيـز الفالـي=ابيـك جنبـي يـا فضـا الحنيـة
في حكيها عبـرة وجرحـن بالـي=حسيت فيهـا قصـة (ن) مخفيـة
قالت : انا في عصمـة الرجالـي=متزوجة.. وفـي منزلـي "حوريـة"
لكن حياتي فـي جحيمـن صالـي=وجيتك عطش من يستعير الميـة
لا لا دخيـل الله علـى غربالـي=كنى اقلـب فـي قصـص محكيـة
قلت استجيري واحدن في العالـي=ربن كريمن مـا نـوا بـك نيـة
انـا دخيلـك عدّلـي مـا مالـي=واستغفري ربـك عظيـم الهيّـة
انتي لبيتـك راس مالـن غالـي=وانتي لبنتـك نـور درب وضيّـه
ورحنا علـى الله يالعزيـز الوالـي=ترحم خفوقـن مـن نوايـا غيّـه

وسلامتكم


محبكم / يوسف بن صالح

______________________________ _________________

الشاعر يوسف بن صالح


صح لسانك قصيدة من اجمل القصائد


اعجبني موضوعها وسبك الحرف الجميل


التي لا يجيد الا شاعر متمكن



سجل اعجابي اخوي الغالي دمت بخير