عزي لوقتٍ كثر ماضحكت بكاني=***و عزي لدهرٍ كثر ما شال خَلاني
وأعزي نفس(ن) عليها جارت أزماني=***دمعٍ سكبته هميل الوبل هتاني
حتى خوي العمر بالهون خلاني=***كأنه أبد يا عجب ما يوم خاواني
لآني طلبت الستر بيديه عراني=***حتى نجوم الضحى بلويل راواني
يا حسرتي عزوتي أهلي وعرباني=*** عايش غريب ذليل دون خِلاني
يا وقت طبعك نكد عايب وخواني=***فرقتهم صحبتي وشتت بأخواني
كلما نسيت وسليت أتذكره ثاني=***ويجول في خاطري مع لهفة أشجاني
ياليت لو ينجمع شملي بهم ثاني =***لرقص على شمعتين وأبدد أحزاني