[هاجس نجد]

المشاركة الأصلية كتبت بواسطة عايض ابوشيبه

ياخادم البيتين وش عاد باقي=خسارة اسهم مع تضخم بألأسعار
شعبك يقول الوضع ذا مايطاقي=صعبه يضيع الشعب من طيش تجار
شعبك على مدة يدينه يساقي=وانت الكريم الشهم والحاكم البار
في سوق نهب الشعب سار السباقي= كلن يبي يكسب من الشعب مليار
الشعب قبل ايام تو استفاقي=من صدمت ألأسهم ونسيان ماصار
من بعدها من زود ألأسعار ضاقي=يطفي لنار وتشتعل جنبها نار
شعبك ضحيه لأهل كيد ونفاقي =ماعندهم للشعب قيمه ومقدار
اهل الحسد والحقد واهل الشقاقي=يرمون شعبك في متاهات واخطار
ماهمهم لو دم شعبك يراقي =ماهمهم لو معظم الشعب ينهار
والعالم الله وش بقى من بواقي= والله يعلم ماتخفيه ألأقدار
ياخادم البيتين فيه اتفاقي =شعبك يحبك كله اصغار واكبار
اخو الكبير واب طفل ومعاقي= لالا ولا ترضى على الشعب يحتار
حنا معاك اسيوف وادروع تاقي= تاقيك بأذن الرب من كيد ألأشرار
حنا معك ولخدمتك فأشتياقي= نعلن لك الطاعه ونرخص لك اعمار
ياسيدي لك مفرداتي تساقي= وانا اشهد إن اسمك يجمل للأشعار
تكفى يبو متعب قرار استباقي= يحمي حقوق الشعب من طيش تجار

صح لسانك يا عايض
شاعر جزل ومتمكن
بيض الله وجهك ما قصرت كفيت ووفيت
قصيدة إجتماعية مأساوية تصف حال من خسروا بيوتهم وأموالهم
من أجل المساهمة بها لتحقيق الحلم بالكسب ورغد العيش
هذا الحلم الخادع الذي ذهب ضحيته كثير من الفقراء والمعدمين
وتبددت آمالهم بسبب سقوط الأسهم إلى الهاوية
أشكرك على هذه القصيدة الشيقة والتي تعالج قضية شاملة غرق في أمواجها الكثير الكثير من الشعوب
تقبل ودي وتقديري
أخــــوك
سعـــد العبيــــد