[صعبة المنال]

المشاركة الأصلية كتبت بواسطة فلاح بن منشار

ياوجودي وين بيضان الوجوه=كل شي ماشي بعكس الاتجاه
الجشع لاهل التجاره توجوه=كل تاجر حط في بطنه عجاه
الذي مستور بالحال احوجوه= عقب رفع اسعارهم كيف النجاه
والذي صدّاق كم يوم احرجوه=جعل ربي مايخيب له رجاه
من يحب الشعب بالقب ادرجوه=من مشاعر خير عنده مرتجاه
كم بذل واهل البطاله سيجوه = صوروا له حال غير الي فجاه
يقلبون العلم وان جاء دوجوه=صدّق الي بالخبر حلاف جاه
الكلام الي يجيهم عوجوه = ويلهم من يوم مابه ملتجاه
كل ماجاء رزق سرعه فوجوه=للجيوب وماأحْسْبوا موت الفجاه
لو شكاء واحد بقوه دحرجوه=واخفوا الشكوى على راعي الحجاه
القلق والحزن للناس انتجوه= كل شاعر مل حتى من هجاه
الشقاء للحسره زيفٍ زوجوه= وارقصوا من زيغهم ليل الدجاه
يالله اصلح حالنا ذا كربجوه = ماعرفنا الصبح من ليلٍ سجاه
ياكريم ويامجيب الي رجوه= رف بنا يارب في عصر اللجاه

صح لسانك وفكرك


صعبة