[هاجس نجد]

المشاركة الأصلية كتبت بواسطة فلاح بن منشار

يالي تبي تعرف علوم الرياجيل = فانشد يفيدك صدق ولد بن منشار
يقول كلمة حق تمحى الاباطيل =عن ولد بن مرعي وولد ابن عمار
لقيت لي ناسن دهاه وحلاحيل = من شوفهم ترتاح ياراعي الانظار
شربت قهوتهم من اوفاء الفناجيل=والتمر بانواعه ونضرات الاحرار
فرصه سعيده جمعتنا لها ميل=بين النفوس ارتحت من وصل الاخيار
تقول نعرف بعض من عهد قابيل=ولولا المشاغل لاستوى ليل سمار
من غير موعد واجتمعنا تساهيل =نرضي مشاعرنا وراحه للابصار
في بيت ابو عمار راعي المعاميل=من بسمته ترتاح له زود مقدار
علمته الموضوع يوم اقرب الهيل=اني عجِل ماجيت غير اعرف الدار
الوقت ضيّق مير تصفى المقابيل = وانشاء الله انا نجتمع عدة امرار
رحب وسهل واقرب العود توصيل=من يدْه الكمبودي الزين مختار
انا اشهد ان الطيب ماحتاج تحليل = بيض الوجيه يجملون اهل الابصار
ان قلت شرواكم نعم زينة الجيل = يشرفون اهل البلد صٌلب الاشوار

أخوي الشاعر العزيز / فلاح بن منشار

صح لسانك وعلا شأنك

قصيدة جزلة من رأس جزل لا هنت يالغالي

ياسلام عليك من أولها لأخرها إبداع في إبداع

والنعم بك وبربعك والله أهل الكرم ينحبون وينحطون على الرأس

الكريم محبوب من الله ومن خلقه

تقبل تحياتي وتقديري وإعجابي بما جاد به فكرك

أخـــــوك

هاجس }{ نجـــــد