[هاجس نجد]

المشاركة الأصلية كتبت بواسطة فلاح بن منشار

يالله طلبتك وانت علام الاسرار =يارازق الانسان في موطنن له
الطف بنا من وقت تبديل الافكار=قلب الحقائق ولعوا مشعلن له
حتى الرسول يحاربونه بالاصرار=تبت يدين الي رسم صورتن له
يكرم رسول الله عن اهل التندار = مرفوع ذكره عن هوى كارهن له
حماه رب البيت يومه في الغار = واليوم ذكره بيننا حافظن له
وين العرب ياحسرتي باهل الاشوار=ماباقي الا الذل ومشرعن له
من عهد ابونا ادم الى هذا الاصدار=كلن عرف حده وهو حامين له
الا العرب مايحتموا حرمة الجار=ماشوف غير القهر ومطبلن له
العولمه علمانها عهر واقمار = قانون متردي هوى شارين له
يارب عفوك ماتبعنا اهل الاسفار=والقدس من مده غدى مسجدن له
ياوجد روحي وجد سكان الانبار=والشر فوق اديارهم مرتعن له
في كل يوم الهرج سنه للاخبار=ماتبصر الا النعش ومشيعن له
يارب في هذا الزمن زاد الاشرار=يالله تذل الزيف ومروجن له
واحفظ علينا الدين من فكر غدار =والزور يخسرمن غدى ساعين له
سبحان رب الكون بايديه الاقدار = كل الوجود بحكمته مذعنن له
يسجد له الفاجر ويسجد له البار = والشمس تسجد والقمر ساجدن له

الشاعر المميز / فلاح بن منشار
صح لسانك وعلا شأنك
قصيدة جزلة المعاني من رأس جزل
أشكرك على الكتابة عن هذه المواضيع المهمة
التي فيها من الحكمة والبلاغة ما يوقض القلوب ويلفت الأنظار
تقبل تحياتي وتقديري
أخــــوك
سعــد العبيــد
هاجس }{ نجـــــد