[هاجس نجد]

المشاركة الأصلية كتبت بواسطة الطائر المهاجر

تبين الشمس في كفك عطيتك = تبين الكون من عيني هديتك
تبين القلب من قلبي شريتك = تبين الروح يا روحي خذيها
غلا وانتي الغلا ياما هويتك = سليت الغيـر لكن ما سليتك
سليتك ترفقـي بالقلب ليتك = ترى الدنيـا بغيرك ما ابيها
اطالع صورتك والدمع سايل = وناجيهـا ووريهـا الرسايل
ابيهـا ترد في شتى الوسايل = تناظرني واشوف الحزن فيها
واحس المسأله فيهـا مسايل = يعاندني الزمن والبخت مايل
واحاول كـودي انسى واتحايل= يحول الحول قلبي مانسيها
اذا مالليـل بالأحزان جنّـا= افكـر كيف انا حظي تجنّـا
اهوجس مثل من داخله جنّا = وحاكي صورتك واشكي عليها
تعـالي واسمعي قلب المعنّا = يصيح الجرح من نزفه تعنّـا
يمر العمـر مايـوم ارجهنّا= ويكتب قصته والنـار فيهـا
يقـول الحب عن غير اختياره = هجرني وصد واحرقني بناره
إذا تبغى السبب عصر الحضاره= فرض حكمه عليها يبتليها
تروح وتسـأله لــو بالاشاره= ما دامه راكضٍ خلف النظاره
يبـي تغيير شكله واخضراره= بلبس ثيـاب صعبٍ يرتديها
سـألته قـال ما ظنّيت أدري = ولكن الصبر طيّب وعسري
حبيبك لو صحى في يوم بدري = تلاقيتـوا بوجهه تحتريها
ولكن كيف يصحى دون فجري= فليله طـال لانجم وبدري
ونا المحتار من ضيقات صدري= رجيت الشمس استعجل عليها
ابي هالليـل يصحى من منامه = صفقني كفّ من واقع مدامه
وقـال ارقـد وزوّد في ظلامه= وعيني ما تبي نـومٍ يجيهـا
الا يا عين نـامي بالسـلامه = حبيبي ما يبيني وش علامه
فهذا الليـل مدري وش ختامه = يغـازلها وراي ويصطفيها

الطائر المهاجر
السلام عليكم ورحمة الله وبركاته
وأسعد الله صباحك
من جد والله ما أدري وش أقول لك
لاكن أقول
صح لسانك
صح فكرك
صح قلبك
سلمت يداك
ماشاء الله عليك
معاني تحرق القلب
تهز الوجدان
تحرك المشاعر
إخلاص - تفاني - تضحية
شهامه
القصيدة / قمّة في الإبداع
أهنئك على الموضوع المتناسق والمترابط
والشيق في نفس الوقت
وأسمحلي على نسخها
قصيدة لامست الواقع الخاص الذي نعيشه
تقبل تحياتي وإعجابي وتقديري
أخـــوك
سعــد ةالعبيـــد
هاجس }{ نجـــــد