يابحر من ينقذك من بقعة الزيت=اللي على اصدافك خطرها وحوتك
تسللت باضرارها وانت هدّيت=من ثورة امواجك وضيّعت صوتك
ركنت في حضن الدعه واستكنيت=والمشكله وابعادها في سكوتك
نمت ووجدت النوم راحه وغطيت=والركب خليته يمر ويفوتك
تغيّرت معالمك واضمحليت=واحرقت عام الطبعه اخر كروتك
هذا التراخي كان فيه استمريت=ابشر بموتك كان يرضيك موتك
يابحر واللي كوّنك ماتمنيت=الا تمارس مثلهم جيبروتك
ابيك يوم انك عشقت وتماديت=واعطيت من جهدك وصبرك وقوّتك
واخلصت في كل الامور وتفانيت=واظهرت في كل المواقف ثبوتك
تقول انا وفيت وفيت وفيت=ترفع بها صوتك وتذبح سكوتك