ياذيب ياللي من اجبال السراتي = وش ولعك في حب بيض الغنادير
شوري عليك ان كان تسمع وصاتي = خل العذارى ماورى طردهم خير
كم من مولع في هواهم وماتي = في مامضى قبل البُكل والمناكير
وانذرك خوفٍ انك تسوي سواتي = اسنين يومٍ الجمل توه اصغير
عاد الهوى عذري بكل الصفاتي = مايقصر الخيَر ولا ينهق العير
وعاد الهوى له لذة واحسناتي = وحبٍ على زين النبا والتعابير
وعاد العذارى بخدرهم للمماتي = وان صاح صياح الضحى فعلهم غير
تطوَح اللثمه وتُرمى العباتي = وينخون ياستر العذارى الغنادير
اواه ياعوامٍ مضت ليت تاتي = وتشوف ماشفنا وهاذي التغايير