الإهداء إلى كل ذكرى
جميله كانت لي بالكويت
الإهداء إلى كل البدون
الإهداء إلى أحمد سيار وذياب العسكر
الإهداء لجابر الأحمد
(( ذكرى الكويت ))
الله كم ضاقت علي لحظة تنهــدت وبكـــيت = في مهمهـــية غربتي يائس ولاحـــــولي بشــــر
وحيد أداري عبرتي لامن تذكرت الكويـــت = كم صاحبٍ كفته بإيـــــدي ودفنتـــــه بالقبـــــــر
ياكثر ماكنت أعتقد بإني نسيت ولانسيـــــت = لاجتني الذكرى بمنامي أصغر جروحي كــبــر
ياديرةٍ حبيتهـــا وتجاهلتنــــــي وإنكويـــــت = رغم الظلام اللي لقت عيني بها كانــــت قـمـــر
صعب آتناساها وأنا داخل شوارعها ربيــت = لوهي تناستني بقى فيني وفا طـــــــول العمـــر
الله يأحمد لو بها قلبٍ بكت لحظة مشيــــــت = ودعتها وروحي بها وراح الجسد صوب الحفر
عشرين عام اللي مضت ياليتني فيها دريت = ضاعت ولاأدري من بنا أكثر من الثانــي خسر
كنت البدون اللي إنظلم منها ولكن ماشكيت = قلت أمنا بكره تحس .. وتفرجلنا بعد الصـــــــبر
حتى كبر ضياعنا وأصبح أملنا دون بيـــت = يعني الرحيل المنتظر لآخر مدى مــــد النظــــر
تدري يبو محسن كذامن يومها الشعرإبتديت = ماكنت أنا وارث شعر لكــــن توارثتـــــه قهـــر
مبطي الفرح في داخلي طفلٍ تغني بالكويت = حاضن صور جابر وفا حتى بكــت له هالصور
عادل الظفيري وريث الجرح