أحــب مـن القصيــــد اللّـي بـلا زود ولا نقصان = قصيـدة مابهــا تـزيـيـف تبيض وجه راعيـها
وأعـــوذ الله مـن شاعــر قــرينــه دايـم شيطان = مــلازم لـه على دربه علـوم الطيب مخطيـها
ألا يا طيـر يا مهاجـر رفعــك الله عــن النقصان = شهــادة حــق أعلنهــا ولا نــي مجامــل فيـها
عرفت الصدق في قولك وضوحك مايبي برهان = تشيــل الطيـب ما شـالك عــوايــد مـا تخليـها
رعـاك الله يابــاني الفطاحــل مرسي الأركان = بجهــدك وصلـت القمــة ولابــه مـن يـوازيها
نعـم ياشيخ يا معلــم بعـرفــك كـاشـفٍ للجان = بعلــم قـــد تعلمتــه ظهــرت لك مـن مخـابيها
شهــادة علـم ماخــذهــا بتوفيـق مــن الــرحمـن = تعرف الحق والباطل وأهـل الغش تخـزيها
ألا يابحـر ياهـادر طغـى مـوجـك عـلـى الربان = مراكـب قايد الحملة رجعت ترسي بمـراسيها
أعرف المـوج لو يطغــى يضيع بقــوة الطـوفان = وأشوف أنها سفينـة نـوح حماها الله ومنجيـها
وصلاة الله على الهادي محمد من نسـل عدنان = عدد من طاف بالكعبه وعدد من جاء حواليها