ده ســـــــــــــــــــــوق..... وفيه
أحلام بتبعد عن زمانها
تجار تبيع الحلم للعشاق
عشاق الضياع......
وتنسى اللى خلقها
ضعاف نفوس
عباد فلوس
وأحلامهم اتبدلت
وبقت كابوس
رايحين يبيعو الحلم اللى
هماما يملكوهوش
*********** *************
أدى واحده سابت زرعها
لاجل تفرح بالولاد
راحت وباعت أرضها
عرضها ....
وفات الميعاد
وكبروا الولااااااااااد
والست نسيت أصلها
وساعه الندا.......
كان الضمير خلاااااااااص
ما عدش حى
لكنه مات
أما الولاااااااااااااد
راحوا لسوق الحلم
باعوا عمرهم
خسروا نفسهم
وزى ما ضاع حلمها
برضه ضاع حلمهم
وكبرت معاهم الظنون
لما شافوا جرحهم
وعشقوا الضياع
والحب ضاع....
من غير أمل فى يوم يعود********** *************
وأدى أب ضل ف سكته
عشق الصبيه
اللى بعنيها سحرته
وفى السوق
راح رامى ليها فرشته
فات غطاه
وحضن دافى م العيال
ساب الهوى يمرجحه
زى مرجيحه العيال
شاف الهنا وياه ساعات
ولما خلاص.... راح الشباب
والجيب مافيهش كمان فلوس
راحت الصبيه شايله عنها سحرها
وراحت لغيره
تفرش شباك سمها
قال لما أعود
أشوف أولادى وف حضنهم
أرجع ..... ويرجع لى عود الصبا
من جديد.....
وأبدأ معاهم خطوتى
وأحيا سعيد
ولما عااااااااااااد
كانوا الولااااااااااااااد
للاب ناسيين عشرته
كارهين منه حتى ضحكته
كانت جراحه لسه عايشه ف دمهم
والحب اللى كان زمان بيلمهم
ضاع فى سوق الحم ويا حلمهم************ *************
وأدى أخ مات أبوه
وأمه كانت تنحسد.........
عشان ما ربت فى العيال
بحب ضلل عشهم
ولما ماتت........
كان الخلاص للاخ انه
يبدأفى رحله ظلمهم
أكل الميراث........
لاجل ما يرضى نذوته
وراح ورمى كل شهامته ونخوته
لما فى سوق الهوى
راح وياع زمته
وساب الشقايق يحفروا
لاجل الحياه
لاجل ان يعيشوا
ومايصيروش
زيه فى يوم جناه
وهوه ماشى فى طريقه وسكته
قابل حياته أزمات كتير
هدت معاها صحته
وأمراض كتير عاشت معاه
وما نفعهوش كتر الفلوس
********* ***************
وأدى أخت عشان ما تعلا
راحت وباعت عرضها
نسيت أد ايه كان كلام أمها
واتمرغت فى التراب
ولما جاها ف يوم عندها
شوق للمسه حنينه
راحت تدور ع اللى فات
كان خلاص ذاع سرها
والنهايه انها خسرت خلاص
واخواتها نسيوا حتى اسمها
وده سوق مليان بياعين
بيحلفوا بالله من ع الشمال
ومن ع اليمين
والكدب جارى ف دمهم
والدموع على خدهم
ملهاش طريق
والرفيق ..0...
شيطان وفى النهايه
حيقول برىء