مصافحة أولى أرجوا ان ترتقي لذائقتكم العظيمة
بالليـل ولا مـع طلـوع المغابيـش=الكون يطبـع فـي عيونـي ظلامـه
مـع السلامـه يالكفـوف المناقيـش=مـع السلامـه رافقتـك السـلامـه
جرحتني مثل الذي ينفـض الريـش=مثل العقاب أليـا انصـرم للحمامـه
وهمشتني في ماضي الوقت تهميـش=ومن لـأحترم نفسه يقـل أحترامـه
حتيش لو ابكي مـن الدمـع حتيـش=دمـع الفـراق ولا دمـوع الندامـه
قـدام لا تشـرة علـي الدراويـش=وقـدام عدوانـي تسـوق المـلامـه
وقدام لا نشبك هواء الفيـش بالفيـش=والعشق يرمي في ضميري سهامـه
البيـر جمـه والضمايـر معاطيـش=والكل دونـه نجدتـه مـن حزامـه
وكنت اتوقع عقب فرقاك ما أعيـش=ومن فـوق راسـي تاتقـوم القيامـه
والحمد لله ماسكـن فينـي الطيـش=وكلن يقدر حسـب وضعـه مقامـه
وماني من ألي ياخـذون البخاشيـش=ويدس راسـه مثـل راس النعامـه
وما اقلط على سور الرجال العراميش=ألا علـى جنـب البعيـر وسنامـه
وان كان ماني من خيار المداغيـش=تحـرم عليـه لبسـتـي للعمـامـه
لاعاد ترسـل ياحبيبـي مطاريـش=مـع السلامـه رافقتـك السـلامـه
شكرا لمن مر من هنا